காபாவில் மலக்கு (?)

18 10 2010

அவர்கள் மறைவானவற்றை நம்புவார்கள்.

திருக்குர்ஆன் 2:3

முஸ்லிம்கள் ஈமான் கொள்ள வேண்டிய மறைவான விஷயங்களில் ஒன்று மலக்குகள்
இருக்கிறார்கள் என்று நம்ப வேண்டும். அவர்கள் மனிதர்களின் கண்களுக்கு புலப்படமாட்டார்கள். சிலர் ஓளிச்சிதறலை வைத்து காஃபாவின் மீது மலக்கு (?) இருப்பதைப் போல் சித்தரித்து ஒரு videoவை வெளியிட்டுள்ளனர்.

மலக்குகளை இப்படி மனிதர்களின் கண்களுக்குத் தெரியும் வகையில் அனுப்புவதாக இருந்தால் காபிர்கள் கேட்டார்களே, அப்போதே
அல்லாஹ் அனுப்பியிருப்பான். மனிதர்களை நபிமார்களாக அனுப்பிய போது நிராகரிப்பவர்கள் கூறியதைப் பாருங்கள் :

‘இவருடன் வானவர் இறக்கப்பட்டிருக்க வேண்டாமா?’ என அவர்கள் கூறுகின்றனர்.

திருக்குர்ஆன் 6:8

அவரது சமுதாயத்தில் (ஏக இறை வனை) மறுத்த பிரமுகர்கள் ‘இவர் உங்களைப் போன்ற ஒரு மனிதரைத் தவிர வேறில்லை. உங்களை விட சிறப்படைய இவர்
விரும்புகிறார். அல்லாஹ் நினைத்திருந்தால் வானவர்களை அனுப்பியிருப்பான்.
முந்தைய நமது முன்னோர்களிடமிருந்து இதை நாம் கேள்விப்பட்டதுமில்லை’ என்றனர்.

திருக்குர்ஆன் 23:24

‘இத்தூதருக்கு என்ன நேர்ந்தது? இவர் உணவு உண்கிறார்; கடை வீதிகளில்
நடமாடுகிறார்; இவரோடு ஒரு வானவர் இறக்கப்பட்டு இவருடன் (சேர்ந்து) அவர்
எச்சரிப்பவராக இருக்கக் கூடாதா?’ என்று கேட்கின்றனர்.

திருக்குர்ஆன் 25:7

‘அல்லாஹ்வைத் தவிர (எதையும்) வணங்காதீர்கள்!’ என்று (போதிக்க) அவர்களுக்கு முன்னரும், அவர்களுக்குப் பின்னரும் மக்களிடம் தூதர்கள் வந்தனர். அதற்கவர்கள் ‘எங்கள் இறைவன் நினைத்திருந்தால் வானவர்களை
இறக்கியிருப்பான். எனவே எதனுடன் அனுப்பப்பட்டுள்ளீர்களோ அதை நாங்கள் மறுப்பவர்கள்’ எனக் கூறினர்.

திருக்குர்ஆன் 41:14

அதற்கு அல்லாஹ்வின் பதிலைப் பாருங்கள் :

வானவரை அனுப்புவதாக வைத்துக் கொண்டாலும் அவரை மனிதராகவே ஆக்கியிருப்போம்.
எதில் குழம்பிப் போனார்களோ அதே குழப்பத்தை (அப்போது மீண்டும்) ஏற்படுத்தியிருப்போம்.

திருக்குர்ஆன் 6:9

மலக்குகள் அவர்களுக்கென நியமிக்கப்பட்ட வேலையைச் சரியாக செய்பவர்கள். அந்த வேலைகள் அல்லாமல் வேறு பணிக்காக இறைவன் மலக்குகளை அனுப்புவதாக
இருந்தால் அநியாயக்காரர்களை அழிக்கவே அனுப்புவான். காஃபாவின் மீது படுத்துக் கிடக்கவெல்லாம் அனுப்பவே மாட்டான்.

‘இவருடன் வானவர் இறக்கப் பட்டிருக்க வேண்டாமா?’ என அவர்கள் கூறுகின்றனர்.
வானவரை நாம் அனுப்பியிருந்தால் காரியம் முடிக்கப்பட்டு விடும். பின்னர்
அவர்கள் அவகாசம் அளிக்கப்பட மாட்டார்கள்
.

திருக்குர்ஆன் 6:8

மலக்குகளை இதற்கு முன்பு பார்த்திருந்தால் தான் இது மலக்கு என்பதை சொல்ல
முடியும். மலக்குகள் இறக்கைகளோடு இருப்பர் என்பதை மட்டும் வைத்துக்
கொண்டு இதை உருவாக்கியிருக்கிறார்கள். இன்றைக்கு உள்ள தொழில்நுட்பத்தை
வைத்து எதையும் வடிவமைக்கலாம்.

மலக்குகள் அல்லாஹ் நியமித்த பணியை செய்வதை தவிர வேறு வேலை எதையும் செய்ய
மாட்டார்கள். காஃபாவின் மேல் படுத்துக் கிடக்கும் மலக்கு என்று
குர்ஆனிலும் இல்லை ஹதீஸிலும் இல்லை.

மலக்குகளை படம் பிடிக்க முடியும் என்றால் ஒவ்வொரு மனிதனின் நன்மை தீமைகளை
பதிவு செய்யும் மலக்குகளை படம் பிடித்திருக்க முடியுமே, அல்லாஹ்வின்
ஆணைப்படி நம்மை பாதுகாப்பதற்காக நம் கூடவே இருக்கும் மலக்குகளை
பிடித்திருக்க முடியுமே, ஏதோ காஃபாவில் மட்டும் தான் மலக்குகள் இருப்பது போல் இந்த படத்தில் போட்டுள்ளனர். ஒவ்வொரு பள்ளிவாசலிலும் தான் மலக்குகள் உள்ளனர். அதையெல்லாம் படம் பிடிக்க முடியுமா ?

இப்போது ஏன் அது போல் மலக்கு வரவில்லை.

இது போன்று எப்படியும் வடிவமைக்கலாம் என்பதை உணர்த்தும் வேறு விதமான படங்கள் :

இதற்கு என்ன சொல்லப் போகிறார்கள்?

மார்க்கத்தைப் பரப்பக் கூட முஸ்லிம்கள் பொய் சொல்வதற்கு அனுமதி இல்லை. ஆனால் சில முஸ்லிம்கள் என்ன செய்கிறார்கள் என்றால், தக்காளியில் அரபு
எழுத்து, மீனில் அரபு எழுத்து இவைகளையெல்லாம் அற்புதம் என்கின்றனர்.
இறந்தது போல் ஒரு கொடூர உருவத்தைப் போட்டு இது ஓமனில் ஒருவருக்கு ஏற்பட்ட
கப்ர் வேதனை என்கின்றனர், பள்ளிவாசலின் மேற்கூரை பறக்கிறது என்கின்றனர்.

இதனால் இஸ்லாத்தை பெருமைப்படுத்தலாம் என நினைக்கின்றனர். எதையும் நம்பும்
சில முஸ்லிம்கள் வேண்டுமானால் இதை நம்பிக் கொண்டு திரியலாம். இந்த பொய்களால் மாற்று மத சகோதரர்களிடம் இஸ்லாத்தின் மதிப்பு குறையவே செய்யும்.

அல்லாஹ்வின் அற்புதங்கள், அத்தாட்சிகள் எவ்வளவோ இருக்கும் போது இத்தகைய
பொய்களைப் பரப்புவதால் என்ன லாபம்?. நாம் அனைவரும் பின்வரும் நபிமொழியை மனதில் நிறுத்திக் கொள்ள வேண்டும்.

ஒருவர் தாம் கேள்விப்பட்டதை எல்லாம் (ஆராயாமல் பிறருக்கு) அறிவிப்பதே
அவர் பொய்யர் என்பதற்குப் போதுமான சான்றாகும் என்று நபி (ஸல்) அவர்கள் கூறினார்கள்.

அறிவிப்பவர்: அபூஹுரைரா (ரலி)

நூல்: முஸ்லிம் 6

எல்லாம் வல்ல இறைவன் நம்மைக் காப்பானாக…





சகுனம் பார்த்தல்

10 03 2010

ஜோதிடம் , நல்லநாள் , கெட்டநாள் , நட்சத்திரம் பார்த்தல் , சகுனம்
பார்த்தல் ஆகியவற்றை இஸ்லாம் முழுமையாகத் தடை செய்கின்றது.

நாட்களிலோ,நேரங்களிலோ முற்றிலும் நன்மை பயக்கக் கூடியதும்
கிடையாது. முற்றிலும்
தீமை பயக்கக் கூடியதும் கிடையாது.

எந்த நேரமானாலும் அதில் சிலர் நன்மையை
அடைவார்கள். மற்றும் சிலர் கேடுகளை அடைவார்கள்.

ஒரு குறிப்பிட்ட நாள்
நல்ல நாள் என்றால் அந்நாளில் யாரும்
சாகக் கூடாது. யாருக்கும் நோய் ஏற்படக் கூடாது. அந்நாளில் கவலையோ ,
துக்கமோ நிம்மதியின்மையோ ஏற்படக்கூடாது. இப்படி ஒரு நாள் கிடையாது என்பது சாதாரண உண்மை.

எந்த நாள் கெட்டநாள் என்று சிலரால்
ஒதுக்கப்படுகின்றதோ அந்நாளில் குழந்தை பாக்கியம்பெற்றவர்கள் , பொருள்
வசதியடைந்தவர்கள் இருக்கிறார்கள்.

இஸ்லாமிய
வரலாற்றிலிருந்து கூட
இதற்கொரு உதாரணத்தைக் கூறலாம்.

முஹர்ரம் மாதம்
பத்தாம் நாள் ஃபிர்அவ்ன்
அழிக்கப்பட்டு , மூஸா (அலை) அவர்கள்
காப்பாற்றப்பட்டனர்.

அதே முஹர்ரம் பத்தாம் நாளில் ஹுஸைன் (ரலி)
படுகொலை
செய்யப்பட்டார்கள்.

மூஸா நபி காப்பாற்றப்பட்டதால்
அதை நல்ல நாள் என்பதா ?

ஹுஸைன் (ரலி) கொல்லப்பட்டதால்
அதைக் கெட்ட நாள் என்பதா ?

நாட்களுக்கும் , நல்லது கெட்டது ஏற்படுவதற்கும்
எந்தச்சம்மந்தமுமில்லை என்பதை இதிலிருந்து அறியலாம்.

‘ இந்தக் காலங்களை மக்களிடையே நாம்
சுழலச் செய்கிறோம் ‘.

அல்குர்ஆன் 3 :140

சுழலும் சக்கரத்தின் கீழ்ப்பகுதி மேலே வரும் , மேல்பகுதி கீழே செல்லும். இவ்வாறே காலத்தைச் சுழலவிட்டு
சிலரை மேலாகவும் சிலரைக்கீழாகவும் ஆக்கிக் கொண்டிருப்போம் என்று இங்கே அல்லாஹ் தெளிவுபடுத்துகிறான்.

முஸ்லிம்கள் நம்பிக்கை கொள்ள வேண்டியவற்றில் விதியும் ஒன்றாகும்.

‘ நன்மை தீமை யாவும்
அல்லாஹ்விடமிருந்தே ஏற்படுகின்றன என்ற விதியையும் நான் நம்புகிறேன் ‘ என்ற உறுதி மொழி எடுத்த முஸ்லிம் நாள் நட்சத்திரம் பார்ப்பது அந்த உறுதிமொழிக்கு முரணாகும்.

ஒரு நாள் , நல்ல நாள் என்றோ கெட்ட நாள் என்றோ இருக்குமானால் அதை அல்லாஹ்
தான் அறிவான். அவன் அறிவித்தால் தவிர
எவராலும் அறிய முடியாது.

அல்லாஹ் திருக்குர்ஆனில் இன்னின்ன நாட்கள் நல்லநாட்கள் என்று கூறவில்லை.
அல்லாஹ்வின் தூதரும்
கூறவில்லை.

அல்லாஹ்வும் , அவனது தூதரும் கூறாததை மற்றவர்களால்எப்படி அறிய முடியும் ?

இன்னின்ன நாட்கள் இன்னின்ன நபர்களுக்கு நல்லநாட்கள் என்று நம்மைப் போன்ற ஒரு
மனிதன் தான் முடிவு செய்கிறான். அவனிடம் சென்று அல்லது அவன்
எழுதியதைப்பார்த்து நல்ல நாட்களைத்
தீர்மானிக்கிறோம்.

நம்மைப் போன்ற ஒரு மனிதன் எப்படி இது நல்ல நாள் தான்
என்று அறிந்து கொண்டான் ? இதைச்
சிந்திக்க வேண்டாமா ?

வருங்காலத்தில்
நடப்பதை அறிவிப்பதாகக் கூறுவதும் சோதிடமும்
ஒன்று தான்.

ஒரு மந்திரவாதியிடம்(?) ஹஜ்ரத்திடம் சென்று எனக்கு நல்லநாள் ஒன்றைக் கூறுங்கள்
என்று கேட்கின்றனர். அவரும் ஏதோ ஒரு நாளைக் கணித்துக் கூறுகிறார். அதை நம்பி தமது காரியங்களை நடத்துகின்றனர்.

யாரேனும் சோதிடனிடம் சென்று அவன் கூறுவதை நம்பினால்
அவனது நாற்பது
நாட்களின் தொழுகை ஏற்கப்படாது என்பது நபிமொழி.

நூல் : முஸ்லிம் 4137

யாரேனும் சோதிடனிடம் சென்று அவன்
கூறுவதை நம்பினால் முஹம்மதுக்கு
அருளப்பட்ட மார்க்கத்தை அவன்
நிராகரித்து விட்டான் என்பதும் நபிமொழி.

நூல் : அஹ்மத் 9171

இன்னொரு விஷயத்தையும் கவனிக்க வேண்டும்.
உலகத்துக்கெல்லாம் நல்லநாள் கணித்துக் கூறக்கூடியவகளின் நிலைமையைப்
பாருங்கள்!

வறுமையிலும் , தரித்திரத்திலும் வீழ்ந்து கிடப்பதையும் , மக்களிடம் யாசித்து உண்பதையும் நாம்
காணலாம்.

இவர்கள் தங்களுக்கு என்று விஷேசமான
நல்லநாளைத் தேர்வு செய்து தங்கள் வாழ்வை வளப்படுத்திக் கொள்ள
முடிந்ததா ? இது ஒரு பித்தலாட்டம் என்பது இதிருந்தே தெளிவாகவில்லையா ?

முஸ்லிம்கள் எந்த நாளிலும் எந்த நேரத்திலும் எந்த நல்ல
காரியங்களையும்
செய்யலாம். நாள் நட்சத்திரம் , சகுனம் , ஜோதிடம் ஆகிய
அனைத்திலிருந்தும் விலகிக்கொள்வது அவசியமாகும்.





ஸவ்ர் குகையில் சிலந்தி வலையா ?

26 02 2010

ஸவ்ர் குகையில் நபி(ஸல்) அவர்களும் அபூபக்கர்(ரலி)
அவர்களும் இருந்த போது அல்லாஹ்
அவர்களை சிலந்தி வலையின் மூலம்
காப்பாற்றினான் என்று உலமாக்களால்
பயான் செய்யப்படுகிறது.

இது கட்டுக்கதை .இந்த
செய்தி முஸ்னத்அஹ்மத் 3246, தப்ரானி மூஜமுல்
கபிர் 12155 ல் பதிவாகியுள்ளது.

இதன் அறிவிப்பாளர் தொடரில் உள்ள
உஸ்மான் அல் ஜஸ்ரி இவர் யாரென
அறியப்படாதவர்.

மேலும் இந்த செய்தி தப்ரானி கபிரில்
1082ல் பதிவாகியுள்ளது. இதன் அறிவிப்பாளர் தொடரில் உள்ள
அபூகஹ்சப், அவுனு இப்னு அம்ர் இருவரும்
அறியப்படாதவர்கள்.

அதை விட இதை நம்புவது குர்ஆனுக்கே எதிரானதாகும்.
அவர்களை காப்பாற்றியது எப்படி என்று அல்லாஹ்
குர்ஆனில் கூறுகின்றான்.

நீங்கள் இவருக்கு (முஹம்மதுக்கு)
உதவி செய்யாவிட்டாலும் (ஏக
இறைவனை) மறுப்போர் இவரை இருவரில் ஒருவராக
வெளியேற்றிய போதும், அவ்விருவரும்
அக்குகையில் இருந்த போதும், ‘நீர்
கவலைப்படாதீர்! அல்லாஹ் நம்முடன்
இருக்கிறான்’ என்று அவர் தமது தோழரிடம் கூறிய போதும்
அவருக்கு அல்லாஹ்
உதவியிருக் கிறான்.
தனது அமைதியை அவர்
மீது இறக்கினான். நீங்கள்
பார்க்காத படைகளின் மூலம் அவரைப்
பலப்படுத்தினான். (தன்னை) மறுப்போரின்
கொள்கையைத் தாழ்ந்ததாக அவன்
ஆக்கினான். அல்லாஹ்வின்
கொள்கையே உயர்ந்தது.
அல்லாஹ் மிகைத்தவன்;
ஞானமிக்கவன்.

திருக்குர்ஆன் 9:40

இந்த வசனத்தில் பார்க்க முடியாத படையின் மூலம் காப்பாற்றியதாக
அல்லாஹ் கூறுகிறான். சிலந்தி வலை பார்க்க
கூடியதே. எனவே இதன் மூலம் காப்பாற்றவில்லை
என்பது தெளிவாகிறது.

இந்த வசனத்தில் பார்க்க முடியாத படை என்பது மலக்குகளை தான். இதற்கு ஏற்றாற் போல்
ஒரு ஹதீஸ் உள்ளது.

ஸவ்ர் குகையில்
இருக்கும் போது அபூபக்கர்(ரலி) அவர்கள்,
நபி(ஸல்) அவர்களிடம், “அல்லாஹ்வின் தூதரே
எதிரிகள் நம்மை நெருங்கி விட்டார்கள்.
நம்மை பார்த்து விடுவார்களோ ?” எனக்
கேட்டார்கள். அதற்கு நபி(ஸல்) அவர்கள்
“கவலைப்படாதீர். வானவர்கள் தங்கள்
இறகுகளால் எதிரிகள் நம்மை பார்க்காத
வண்ணம் தடுத்து உள்ளனர்” எனக்
கூறினார்கள்.
அப்போது எதிரிகளில் ஒருவன் குகையின் பக்கம் இருவரும் பார்க்கும் படி
சிறுநீர் கழிந்தான். அப்போது அபூபக்கர்
ரலி அவர்கள் “எதிரி நம்மை நோக்கி
சிறுநீர் கழிக்கிறான் ஆனால் நம்மை அவர்கள் பர்க்கவில்லை” எனக்
கூறினார்கள்.

இந்த செய்தி தப்ரானி கபிர் 24வது volume ல் 106 வது ஹதீஸாக
பதிவாகியுள்ளது.

எனவே அல்லாஹ்
குர்ஆனில் கூறிய படி ஸவ்ர் குகையில்
மலக்குகள் மூலம் காப்பாற்றினான் என்று நம்புவோம்.

இதை விடுத்து சிலந்தி
வலை மூலம் காப்பாற்றியதாக
கூறப்படும் கட்டுக்
கதையை நம்பினால் குர்ஆனை மறுத்த பாவத்திற்கு ஆளாக வேண்டிய நிலை வரும்.








%d bloggers like this: